陈凯琳力撑郑嘉颖唔系双面人：佢一直好统一做自己！

etin

艺人陈凯琳（Grace）昨日（9日）现身主题公园出席活动。她表示大仔及二仔也很喜爱小动物，曾表示希望在家中饲养猫狗：“因为细仔仲细唔系咁方便住，结果依家养咗甲虫。”她笑指囝囝连见到曱甴也表示想养。谈到她早前于社交网晒出旅游照，被网友批评她在老公郑嘉颖与马国明的风波期间“火上加油”，她解释纯粹想与大家分享她到摩洛哥的见闻，希望大家有时间也应到不同地方走走扩阔自己眼界，自己也希望将来能带小朋友返加拿大逛逛。至于对于郑嘉颖的言论被指用词不太恰当？她指之前已解释过亦不想再作解释：“不过我之前都讲过，我老公讲嘢比较简洁，其实佢有一面大家都知道，佢永远都系郑嘉颖，无论系工作时候嘅郑嘉颖，抑或对朋友嘅郑嘉颖，都系一个好精简嘅人，呢样嘢某程度上都可以欣赏，因为系比较真性情、率直啲，当然系今次情况有少少畀人误会佢嘅意思，不过我觉得都过咗去。”
谈到嘉颖表弟王贤志日前在社交网发文，未有开名指有人是“双面人”及“日久见人心”，令外界揣测他批评的正是郑嘉颖，Grace表示有留意，又指与对方曾有过几次碰面：“佢系一个好重情嘅人，呢样嘢我系好欣赏佢，一个重情嘅人都希望每一段关系同感情都可以最好，因为佢哋应该系由细识到大，可能喺成长中少咗接触同见面，相信佢讲呢段説话都系希望佢哋嘅关系可以一直保持最好，见多啲面倾多啲偈，所以我觉得冇恶意，只不过想令关系更加好。（即系Confirm讲紧嘉颖？）呢个我就唔清楚，只系留意到佢有写呢样嘢，无论佢系讲我先生又好，讲其他人都好。（但系讲双面人、日久见人心？）咁呢样就唔知，但我老公一直都系好统一做番自己，希望识得佢嘅人都知道呢样嘢。”