汤洛雯讲明郑嘉颖冇到唔会影响婚礼

etin

准新娘汤洛雯（靓汤）昨日（5日）出席手机活动，穿上贴身高衩裙的她，身材明显更Fit，被称呼为“马师奶”时更显露甜笑。她表示今次活动可能是和马国明结婚前最后一个，问到待嫁心情如何？她指最紧张和最大压力的阶段已过，现时只期待旅程，不过何时起飞就坚持卖关子，她说：“可能有啲人素颜搭飞机，唔想被人影到相。”又为自己平反，指没有封马国明嘴，她说：“系佢唔知啫，我冇唔畀佢讲，佢讲咗会跳舞，都讲咗好多啦。”还透露婚期在圣诞节前，而出席的60位宾客，除有双方亲友外，有一半是圈中人，包括她和朱千雪，张嘉儿、岑杏贤及蒋家旻组成的“2LINE党”成员。
谈及郑嘉颖表示没时间出席婚礼，她承认有邀请对方，又说：“我都明白要出Trip系增加咗难度，咁有家庭嘅就更难，小朋友又黐身，睇吓返嚟再约食饭啰，又唔会影响个仪式嘅，（咁收到礼未？）未有人送礼喎。”至于她收身成功是否准备着性感婚纱，她则谓：“影婚纱相嗰套就性感啲，但行礼时嗰套就简单啲，唔性感，因为有亲戚喺度，唔想吓亲人，亦准备咗有旗袍领嘅中式晚装，但金饰就唔带太多，只会带外婆过身前送畀我，有纪念价值嘅龙凤鈪。”虽然在峇里出嫁，但她仍会跟传统，结婚前一夜有上头仪式，但一切从简，而仪式用品由姊妹团帮手筹备。

她又说由妹妹做伴娘，岑杏贤，蔡思贝及高海宁（高Ling），还有圈外朋友组姊妹团，她更点名想掟花球给高海宁：“佢好多人追，（你又知？）我估咋，咁我好多朋友都叫我介绍高Ling畀佢哋识，我啲朋友唔差架，（有冇马国明咁好？）梗系佢（马国明）好啲啦。我同佢拍拖后去服装间都畀人话我抢咗佢姑爷。”她又谓婚后会尊重马国明，不会突然性感，如工作上要性感则会先询问对方。