|
视后佘诗曼、马国明、何依婷及高海宁等昨日(4日)现身钻石山,为无綫热播剧《新闻女王》宣传。即将成为人夫的马明坦言婚礼仍很多琐碎事情要处理,因此之后只能尽量抽空出席宣传,对婚期依旧口密的他,表示宾客或其他细节要等老婆汤洛雯公布,只表示稍后将会消失8至10日:“套剧大结局嗰日一定会出现。(到时已经转换身份?)可以咁讲。”
谈到好友郑嘉颖早前出席活动时,除表明不会参加马明的婚礼,又指参加“铁马家族”聚会“嘥时间”,马明对此表示理解:“佢有3个小朋友,我哋喺外地搞,走开几日好困难,佢到唔到都冇嘢,完全体谅,同埋我哋唔系请好多人,大概60人。”他透露嘉颖一早已通知他不能参加,笑指若自己在香港搞婚礼,对方不到就是“另一件事”,问他可会感失望?他直言不会:“熟朋友先唔会失望,大家咁熟,系要取舍,人哋有小朋友要凑,如果你问我,我都系屋企人摆先,呢个系合情合理。”
他指自嘉颖有小朋友后也很少出席“铁马”聚会,但大家也会明白,相信自己将来若有了小朋友同样会减少出席饭局:“其实林子善生咗女都少咗出嚟,我唔明点解唔传佢同我哋不和。(几耐冇见过嘉颖?)冇计,但最近几次食饭佢真系冇嚟,但我哋又冇乜所谓,其实熟朋友先至系咁,得闲咪嚟,唔得闲咪唔嚟,我哋好Casual。(人唔到礼到?)唔好讲到咁Detail,钱银嘅嘢唔好讲,(讲心定讲金?)咁多年兄弟紧系讲心!”他亦承认大家有家室后聚会的确减少:“呢个系事实,我觉得系好合理。”他希望大家不要误会嘉颖,只因为大家不够了解嘉颖才经常误会他的说话:“我哋同佢熟就会明白佢嘅意思,唔熟佢嘅就会觉得佢好寸,我都睇过一句佢话‘嘥时间’,有人觉得好负面,但真正朋友系觉得,你有时间嘥就嚟搵我,呢个先系真正嘅朋友,你依家冇时间嘥唔紧要,有时间你咪嚟搵我啰,我自己有时都系咁,好朋友系咁,嚟到就嚟嚟唔到就算。”
谈到事件发酵到连佘诗曼也受牵连,指嘉颖因不满马明跟对方合作,他直言不会,因自己数年前也跟过佘诗曼合作,若对方不满的话应早就不满:“有剧上有新闻系好事,但也希望大家知道嘉颖其实系个大细路。”问对方有否传授生仔秘笈?他笑言不用教:“我同我老婆都系顺其自然,有咪有,冇咪冇。”同样快将结婚的何依婷,昨日为好友蔡嘉欣婚礼担任姊妹顺道取经,她坦言自己少参与婚礼,笑言完成后即作反省:“原来好忙好多嘢谂,人嘅安排边个负责啲乜,好复杂。”她指最重要是时间管理,要再检讨一下自己的婚礼安排,又指由于场面太过感动,自己整天也忍住眼泪,但到婚宴上播放婚礼影片时便忍不住哭崩,笑言自己婚礼时一定要忍住,免得面上化妆溶掉。
问到她婚礼日期?她依旧保持神秘,只透露赶得及回港倒数:“只系同剧组攞咗几日假,都想留多啲时间喺香港,因为剧出咗街反应热烈,的确系多咗嘢做嘅。”她表示暂未计划度蜜月,但1月会和老公跟一大班好友到北海道滑雪,作为新手的她非常期待:“因为我啲朋友滑雪好叻,为咗唔好畀人抛弃喺山头,呢半年我不停秘密练兵。(老公会掉低你?)上年同佢去滑雪我同佢嘅程度系天同地,佢好好呀!我一跌低佢就停低问我点,我就话你唔好理我你走啦!我唔想阻佢享受滑雪,但佢死都唔肯走,佢话唔可以掉低你一个人,真系畀佢感动到。”她笑言婚后或会有所不同,到时再告知大家。
于台上分享拍摄点滴时透露因拍摄得太投入而膝伤的佘诗曼,表示于一场贼王枪战场口中撞伤:“我攞住摄录机半蹲半跪咁过马路,要重复动作拍摄好多次,拍到冇力,啪一声扭伤膝头好痛,睇跌打话伤到韧带,相信要跟进做治疗。”问到若收视好会否向观众派福利答谢?她笑谓:“我都想收到福利,叫监制开拍续集啦。(你肯再返嚟拍?)剧本正,个个都抢住拍啦!”提到她被视为今年无綫颁奖礼视后大热之选,阿佘说:“多谢大家支持,随缘啦!”另问到她被前绯闻男友扯进“铁马”家族不和事件,她惊讶说:“吓!佢哋唔系好Friend㗎咩?我唔信系事实。(觉得自己好无辜?)唔紧要啦,都唔系事实,好好笑,点解会扯到咁样!”
|
|