谢霆锋睇Band骚冇技痒 一讲王菲就甜笑

etin

谢霆锋、陈家乐、李幸倪（Gin Lee）、泳儿、许靖韵与英皇老板杨受成昨晚（21日）到麦花臣场馆欣赏《起势夹Band Combat Show》。霆锋到场相当受观众欢迎，引来一阵尖叫声。专诚来支持本地Band友的霆锋有一段时间没有Rock爆舞台，问到可希望再踏舞台？他笑说：“要睇吓一阵间嘅气氛。（会唔会技痒上台唱歌？）唔会，因为今日系佢哋选拔赛嚟，所以专心睇佢哋。（老板想吸引你开骚？）唔觉得，但呢件系一件好有诚意，好有心嘅行动，好多乐队需要呢个舞台、呢个机会，畀hip pop威咗咁耐，我哋班rock友都要出返嚟。（搵埋冯德伦一齐夹band？）叔父辈嚟喎，考虑吓。（恨唔恨再唱歌？）暂时有几部戏要拍，专心拍咗先。”讲到今天（22日）是蔡卓妍生日可有表示？他笑说：“生日快乐，我对呢啲好衰，从来唔记生日。”讲到圣诞节，他指因电影要加长拍摄到明年1月中，但中间可能有一个星期搭景空档，问到岂不是可以趁机返内地探望王菲，霆锋虽然未有回答，但却笑得相当甜，随后即赶入场欣赏Band Show。