张栢芝搞豪华生日派对 为细仔庆生尽显母爱

etin

女星张栢芝贵为三子之母，相当疼锡儿子嘅佢成日都会喺社交网大晒同儿子嘅生活点滴，前日（18日）系佢细仔Marcus嘅5岁生日，每年都会花尽心思为儿子庆生嘅佢，当然今年亦不例外，佢精心布置咗充满童趣嘅场地，为Marcus举办生日会庆祝，仲邀请咗一大班朋友，场面非常热闹。佢之后喺社交网分享咗生日会嘅短片，并写道：“祝我的小王子五周岁生日快乐。”只见佢戴着一顶黑色帽子，穿着深蓝上衣，一身低调打扮。而穿上蓝色卡通衫嘅Marcus虽未有正面现身，但都可以睇到佢同卡通人物一齐跳舞，仲同妈妈喺场地跑嚟跑去，场面十分温馨。