|
艺人陈豪、陈茵媺(Aimee)、周嘉洛、游嘉欣、郑子诚等一众《罗密欧与祝英合》的演员,昨晚(17日)到商场与观众同赏剧集大结局。陈豪和Aimee都表示对剧集不舍,Aimee说:“我哋都花咗六个月时间去拍,中途又经歴咗好多挑战,都花咗好多时间喺角色度,令我谂起咩叫台上一分钟,台下十年功,时间过得真系好快。”陈豪亦表示很珍惜这部剧集:“坦白讲我哋两公婆合作已经唔系好多,亦都唔知之后冇机会合作。”讲到合作,原来陈豪和Aimee对于一同演出是有点抗拒:“其实我哋系想分开啲去拍,因为始终演员想做返唔系自己,我哋两公婆太熟悉大家,不过好彩今次套剧同现实嘅我哋都有出入,系比较成熟嘅爱情。”
谈及子女是这部剧集的忠实粉丝,Aimee笑言:“每次佢哋睇到一半就畀我赶去瞓觉,佢哋好唔开心。”陈豪指今次剧集是由他们两夫妇演出,才破例让子女们观看。而一向有陪伴子女观看剧集的Aimee则指会在周末假期,先陪子女一同看大结局:“因为佢哋都锺意睇字幕,同埋成日会问好多嘢,讲话呢个人咁衰㗎打伤爹哋,搞到我成日都要解释畀佢哋听,唔可以集中睇电视。”问到小朋友会否受影响想学习拍戏?Aimee说:“咁又冇,佢哋对技术嘅嘢比较有兴趣,会叫我教佢点样可以咁快喊。(之后冇宣传系咪可以多啲时间陪佢哋?)系啊,佢哋都好开心,因为之前宣传系会比较忙。”透露今早先忙完三个子女学校的家长会,然后匆匆忙忙回家做饭和收拾自己,再赶来出席活动,现在剧集完结可以比较轻松。谈及后日无綫台庆,Aimee指并未收到邀请,当晚只有陈豪出席。问到当晚会表演吗?陈豪说:“都系行行企企,行两步,玩吓游戏(唱歌?)唔会啦。”Aimee更大爆家中有卡拉OK,陈豪间中会在家中献唱。
|
|