何依婷公布婚讯首现身 爆男友求婚太突然个脑空白一片

etin

艺人何依婷昨日（14日）现身无綫台庆剧《新闻女王》宣传，刚宣布婚讯首次现身的她获佘诗曼送上祝贺，她甜笑冧爆答谢祝福。受访时谈到求婚经过，她大方透露：“其实我哋有倾过（结婚）嘅，不过有日喺我唔为意下同啲朋友约我出去下午茶，结果就求婚喇，佢买咗束花单膝跪地咁。（日后应该点称呼你？）佢姓林，但我呢世都仲系何小姐。”何依婷指当时太突然兼惊喜，自己脑内一遍空白，根本听不清楚“求婚宣言”：“好彩有人帮我拍咗片，可以慢慢睇番。”至于确实婚期及细节，她笑说：“今年双春兼润月，所以一定赶喺农历新年前，同埋我唔想大排筵席，所以会同家人飞往东南亚，拣个小岛简简单单搞，等一切落实咗我会公布。”

原来早于6月她已与未婚夫飞往巴黎影婚照，然而8月出席公开活动时，她才公开认爱。当记者笑指她呃人时，何依婷解释：“唔系有心呃大家，只系我比较怕丑，唔习惯做啲咩都要分享，有晒计划、知道点做先同大家讲啫。”谈到婚后会否拒绝拍亲热戏，她答说：“我哋都想有自己嘅事业，亲热戏我谂最主要系睇剧本，剧情需要冇得话唔拍，佢（未婚夫）好支持我，系大方同明白事理嘅人。”至于生B，她表示一切随缘：“系上天送畀我哋嘅礼物，如果嚟到冇得话唔要。”另外，何依婷于《新》剧预告内，被泼红漆搞到到“一身都系”且一面愕然，她透露：“我叫对方想泼就泼过嚟，一take过搞掂比较自然啲，不过我返屋企冲凉，洗咗两三次先OK，日日返工手指罅仲有残馀物。”