|
艺人杨茜尧昨日(18日)出席活动,她指距离上次公开出席活动已是约3年前,心情有点紧张搞到失眠:“我心谂死啦,好耐冇出嚟,唔知讲咩好,佢哋叫我咩名好呢?不过其实叫我咩名我都好欢迎。”透露一直忙于照顾家中的一对儿女,又适逢疫情令工作大大减少:“不过如果遇到合适又好想做嘅工作我会做,而且之疫情太严重,我好惊接触太多人,加上我小朋友又细。(有冇计搵少咗几多?)唔好计呢啲,应该要计你得到几多。”
​谈及拍戏,茜尧表示有正在商谈的剧集:“嚟紧如果真系适合,所有嘢都倾得啱应该都会出嚟拍戏,因为我始终都系锺意拍剧,希望可以继续保持住工作嘅热诚,同埋都想搵多啲钱。”被问《家族荣耀之继承者》茜尧并未有参与拍摄,是否被其他演员顶替?她笑言:“唔关事,虽然佢系续集,但剧情内容都被大洗牌,同上一辑唔同。(但冇得同老公一齐合作?)大把机会,我觉得好奇怪两公婆一齐合作,不过有好有唔好,吸引嘅梗系做,但如果系做敌对嘅,拗撬又会多咗。”杨茜尧亦称与老公罗子溢结婚刚满7年,透露当日二人外出吃饭庆祝,然后去一起去看恐怖电影:“我同老公对鬼片有情意结。”
|
|