陈展鹏获赞有喜剧感 吴若希感激对方带住入戏

etin

无綫剧集《香港人在北京》演员陈展鹏、吴若希（Jinny）、洪永城、戴祖仪、陈星妤等昨晚在圆方食饭齐齐欣赏剧集播出。陈展鹏与吴若希扮演夫妻给观众新鲜感，剧情更被网民指神预言虚疑货币骗案，剧集受到欢迎，他说：“今次新鲜感几好，之前都有啲压力，头一两集成家人未齐，同埋剪接好变咗预言剧。”对于被观众赞有喜剧感，他说：“其实我不嬲都有，不过，吴若希劲啲。”Jinny则笑言正未能拍摄正经剧：“因为同你做对手戏，大家都好放心由你带住。”
剧中展鹏误堕投资骗案，正是由太太单文柔客串扮演老千，他说：“应该系得呢场，因为佳导（锺澍佳）想佢客串，同埋佢成日都好想同我拍一部戏，虽然冇同场，但系有同一套戏，以前同套戏都未试过。不过，佢客串都都好大压力，其实唔想同佢一齐演戏，惊佢啲戏冚过我，佢啲戏场好劲。”
吴若希被问到可希望与老公一齐拍戏？她笑说：“绝对唔想，拖累大家就唔好。嫁畀佢因为佢唔系呢行，两公婆都需要啲私人时间，你知唔知，展鹏之前做唔到宣传，剧组有谂过叫我老公嚟代替佢，我老公话咪癫啦。”剧集有不少彩蛋，好似久未在幕前亮相的卢庆辉，展鹏说：“入行睇佢做戏，但冇机会合作，佢出场嗰戏好有张力。”
吴业坤最近积极减磅，日籍太太滨口爱子（Aiko）更为他亲手炮制爱心饭盒，但他甫相后却被网民取笑是暗黑料理，他则自爆因而激嬲老婆：“佢都有问我做乜要摆上网，都有少少嬲，我话玩吓啫，佢唔系开得玩笑嘅人，令到我啲幽默感冇用处，依家把口都觉识收，同埋甫返啲靓相上去凼返佢。”讲到剧中与戴祖仪可有亲热场面，会否给太太收看，他笑说：“佢都有问，我哋喜剧为主，所以都系拖下手仔、拥抱，同埋因为太忙屋企一路都冇买电视，啱啱买咗但系未插天线，可能佢都觉得有阴谋。”