炎明熹自爆改名原因 唔失望After Class面临解散

etin

“声梦人气王”炎明熹（Gigi）即将于10月7日假九展Star Hall举行首个个人演唱会，她昨日（2日）于将军澳电视城排舞室为个唱作彩排，与排舞老师落力排舞，她坦言辛苦但很享受：“我本身慢热，但同一班Dancer一齐跳舞好开心，希望可以演出成功！”她表示跳唱环节约十多分钟，但已是她人生中最长时间跳唱的一次：“啲动作自己从来未试过，希望可以战胜佢，平时可能见有人做过，做喺自己身上发现原来要好多时间去练习，落好多苦功，所以真系好佩服佢哋。”问到会否有危险动作？她笑言“OK危险”，幸暂时排练顺利冇甩漏，亦未有受伤，透露自已安排了逢星期四不用上堂，故可专心作全日练习，她坦言最难并非跳舞：“因为演唱会有唔同环节，好多歌一直都想挑战，所以每一部分都有少少障碍，好似喺度过关咁，系一次几好体验。”她表示对自己比较严格，加上时间紧迫，觉得自己仍未过关。
问到演唱会会否邀请After Class其他成员姚焯菲、锺柔美及詹天文上台一起唱团歌？她大惑不解表示：：“唔系几知。”当谈到锺柔美有意出国读书，After Class因而面临解散？她説：“寻日听到消息，但我仲未问佢。（解散会可惜？）亦都唔会失望，呢个系我哋一个好好嘅回忆，喺我哋心中一定有一个分量喺度，无论以后仲系咪我哋4个，定系其他成员嘅After Class，想信大家都一样会锺意呢个组合。”

问到她是否改名兼买楼？她笑言自己也不知道有置业：“其实升中学我已经搬咗去将军澳，都系同姑丈姑妈住。（即系有冇买楼？）即系冇啰，哈哈！不过我都希望有朝一日可以买到楼，但依仲未系时候，希望将来买到一个自己梦想嘅蜗居，咁就已经足够，我唔视乎佢系好大定好细，我觉得屋企系一入门口就将成日嘅疲劳放松晒，系一个令你舒服嘅地方就OK。”她解释其实小学时期家人已有意替她改名，因爸爸觉得“王佳恩”这名字太普遍，还找来术数师替他改了几个名字：“好似王伶芝、王奕希，但自己唔锺意，不过本身王佳恩都成日畀人写错王佳思。”她承认的确是改了新名字“王爖熹”，但亦是于18岁时应家人要求找师傅而改，故并非为了令事业有更好发展而改：“冇可能改咗个名就如日中天。”她指改名或会起到心理作用，但其实做任何事情也需要靠自己努力。