|
艺人何依婷与曾乐彤昨晚前后脚现身时装展,两人同时被指沐浴爱河,然而回应各异!何依婷日前被发现与一名圈外男友人现身广州一个展览活动,即盛传出pool成功,昨晚她以一身露腰打扮现身,谈到绯闻直认不讳:“发展中,好朋友啰。嗰日因为我好想睇嗰个展览,所以一齐去。佢系我一个识咗好多年嘅朋友。(点解突然开始?)因为我哋两个都好得闲,同埋系单身,佢嘅性格好好,发现可以做吓好朋友。”
依婷对男友赞口不绝:“佢系我认识嘅异性中,性格最好嘅一个,同埋佢好聪明、情商又好高,好少见到佢发脾气。(笋盘喎。)好紧要呵?唔好讲咁多,始终要俾啲时间佢,佢第1次俾人影到,都有啲紧张,俾啲空间佢,唔好吓走咗!(俾人影到佢好紧张?)我同佢讲都冇乜嘢,大家都友善嘅。”
至于曾乐彤与音乐人徐浩拍拖,面对记者的恭喜,她大耍太极谓:“有讲过(拍拖)咩?之前都话咗唔回应嘞,总之大家系好好嘅朋友,都识咗好多年,我入行第1个(歌曲)监制就系佢,一直都维持好好嘅朋友关系。(点解要咁避忌? )如果将来我有好好嘅消息,一定会同大家公布。(结婚前都唔会同大家讲?)系。(因为以前公开拍拖吓怕咗?)都有啲关系,有啲嘢讲唔埋嘛。”她随即转移话题,自爆即将推出新歌。当记者问到徐浩是否继续出任监制,她推说:“仲有Cousin Fung,同佢两个合作咗好多年,呢次编曲同作曲继绕都系佢哋负责。(即系日久生情?)唔讲呢啲嘢嘞。”
|
|