|
“星爷”周星驰自去年10月开设咗社交网后,一举一动都备受关注,而向来锡粉丝嘅周星驰,开咗社交网后亦不时喺同粉丝玩你问我答派福利外,就连开拍《少林女足》都喺社交网大方透露!而上月底,周星驰亦喺社交网开设咗一个叫做“月光宝盒”(Moonbox)嘅帐号,并分享咗2个疑似手机应用程式嘅封面相,邀请广大网友投票比意见。
昨日(5日)周星驰透过月光宝盒嘅帐号,发文感谢广大网友:“感谢各位的热情响应,小弟已经看了三天三夜,一眼都没眨过。”并Hashtag道:“P.S.如果我是星爷的AI替身,大家帮我打几分?”睇嚟呢个帐号唔止系周星驰经营咁简单,仲有AI聊天功能啵!事实上,向来都行喺科技尖端嘅周星驰,早于去年就同NFT(非同质化代币)开发公司、西班牙艺术家Joan Cornellà联乘推出自己嘅电影NFT。
|
|