李彩华40万手袋用嚟放爱犬 揭过亿身家投资有道

etin

艺人李彩华（Rain）之前参加真人骚节目《乘风2023》人气翻涨，一直都系圈中小富婆嘅佢，日前晒出同爱犬Creamy合照时，竟豪气将Creamy放落价值约40万、有“影子包”之称嘅奢侈品牌手袋，并写道：“当小BB睡觉的时候真的很可爱，一旦醒来了，就绝对不是省油的灯。刚好白天工作完晚上没事儿，就带你出来熘熘呗。”虽然Creamy身形迷你劲可爱，不过贵价手袋当宠物袋，真系令人好羡慕。
网友即翻出Rain嘅手袋收藏，佢拍摄剧集《家族荣耀》时就出动过百万名牌私伙，当中包括价值逾20万嘅黑色包包，此外佢仲拥有多个约10多万嘅手袋，其中一个手袋更曾喺拍卖会上以75万港元成交，炒价高达150万。而Rain 2006年转战内地后吸金力强劲，有指其身家早已超过2亿，投资眼光好嘅佢，将拍戏赚嘅钱大部分都投资到房地产业上，现时持有12个物业，遍布香港、澳洲、英国、泰国等地，市值过亿。定居上海嘅佢喺当地黄金地段以月租逾10万租千呎豪宅单位！