郭富城举胳肋底叹月饼掀模仿潮 网友笑：流心腋饼

etin

天王郭富城（城城）几乎年年都会帮月饼代言广告，而随着中秋佳节将至，唔少地方都可以见到城城嘅月饼广告，简直系铺天盖地狂宣传，不过广告打得再犀利，都唔够城城因为一个甫士，瞬间喺社交网掀起热议咁犀利。​原来为月饼广告代言嘅城城，右手攞住个月饼，左手就贴住耳仔举高，表情更系Chok到爆，不过望落正正常常嘅型男Look，竟然引嚟唔少网友大整蛊，直言似系闻住胳肋底味叹月饼：“流心腋饼。”、“要闻着腋香配月饼吃！”另外更有网友发挥创意，将城城嘅广告背景换成港铁车厢内，并设计出新宣传语句“坐地铁、食月饼”外，亦有网友模仿城城姿势喺港铁宣传照前打卡，笑称：“月圆之腋。”