陈庭欣被催婚 即拉何依婷挡驾

etin

艺人陈庭欣（Toby）、何依婷（Regina）、黄庭锋、李思捷、骆振伟及吴嘉禧等前晚（28日）出席活动。刚于前天生日的Toby被问到如何过生日？她笑谓：“同朋友食饭、食饭同埋食饭，食到觉得自己块面肥咗。”她表示刚巧有很多朋友也是8月生日，因此真的食个不停。问到有网民发现她的生日派对不见其男友踪影？她説：“佢负责揸机嘛，唔系边个揸？因为太多相我未有时间处理，放心啦，等我会剪辑好晒，会有佢嘅。（生日愿望系咪结婚？）又问？愿望系同结婚完全无关，生日愿望系开开心心、身体健康，依家要加多个愿望从来未试过，就系减肥成功！”她笑指自己唔急大家急，总之缘分到会通知大家，又随即拉开话题，叫大家不如谈港姐，更将话题推给身旁的Regina，场面搞笑。
港姐出身的Regina表示有在家中收看今届港姐决赛，大赞一众佳丽同样表现出色：“每一个得奖佳丽都总有佢嘅优点，评判先会拣佢哋。”她表示喜欢亚军得主王怡然，因对方够甜。问到对4位男司仪表现？她説：“简直系4大型男！（唔觉得甩辘？）呢啲先真实嘛，而且佢哋4位系拍戏经验丰富，突然间嚟做主持已经好叻㗎啦。”同属港姐出身的Toby亦表示认同，她説：“好难㗎真系，仲要系Live，尤其港姐呢类节目，16位佳丽又系新嘅，大家都系新，其实都撞到好多火花嘅。”她笑指今届没有贴心水佳丽，全因过往每次都贴错：“我发现我系‘灯’嚟，我又试过折啲纸仔叫我只鹦鹉抽，佢仲‘灯’过我，抽边个下Round就出局。”她表示最重要是看临场表现，觉得今届赛果合理。