做港姐司仪被闹足两日 陈山聪冇有怕仲想试多次

etin

艺人陈山聪、黄宗泽（Bosco）及谢天华等主演电影《无间一战》日前举行首映礼，除一众主创外，宋宛颖及曹敏宝等纷纷现身支持，而胡鸿钧及吴业坤更即席献唱主题曲《当年情》，不过音响问题严重影响二人演出。而安德尊负责担任首映礼司仪，惟“开口夹着脷”连番出错，先讲漏男主角山聪名字，搞到山聪上台时不禁谓：“大王（安得尊昵称），我系陈山聪呀，你见我唔到？”及后安德尊又将《无间一战》讲成《无间道》，醒觉后临急补镬，场面尴尬。
山聪与Bosco齐齐受访，前者透露：“我演大反派，好耐冇试过嘞，有咁衰得咁衰，但好好玩，我连陈炜都搞埋！”Bosco笑说：“佢连老窦都杀，离晒大谱！”山聪又指已得很久没有与Bosco合作，二人更要你猜我度兼打戏连场：“我打到手指尾断咗，依家直番嘞。（仲系S形喎。）韧带始终撕裂咗，武打演员系咁㗎啦，无妄之灾，又唔系特登嘅。”山聪其实是与Bosco替身对打时“出事”，记者打趣指“好唔抵”，Bosco笑说：“打我抵啲？”山聪搞笑回应：“如果打你，pan骨都断埋呀！”
Bosco则难忘拍摄时几场重头戏都“限时限刻”：“因为要封隧道，又试过天桥底拍开抢戏，全部都有时间上规定，所以即使受伤，好多时我哋都顶硬上。（票房有冇压力？）喺内地点击非常好，佢哋好锺意睇呢类港产片，因为系佢哋嘅情怀。（香港呢？会去谢票？）尽力啦，我啱啱先喺内地拍完戏返嚟，受摆布㗎咋，叫我去边啖咪去边啰。”

至于4大小生担任港姐司仪，表现差被观众闹足两日，其中之一的山聪依然冇有怕：“即系我哋啱啱演戏时，观众都批评㗎，唔通咁样就唔演咩？所有嘢都要浸淫，吸取经验之后，如果再有机会嘅话，我都仲想试（做司仪）㗎。（唔够时间彩排？）系嘅，大家都忙，好似我同萧正楠咁，前晚（即大前晚）先返到香港，时间上系不足嘅。”