|
艺人陈凯琳(Grace)同郑嘉颖(Kevin)2018年结婚至今,一家五口生活幸福美满。而继早前2人高调放闪庆祝甜蜜结婚5周年后,昨日(23日)夫妻2人再喺社交网高调放闪,老婆陈凯琳仲相当甜蜜咁帮郑嘉颖搞埋生日派对庆祝,认真羡煞旁人呀!
陈凯琳喺社交网写道:“老公生日快乐!(迟到的生日帖子)我一直都知道Kevin是一个在简单中找到快乐的人,这就是为甚么这个生日我们决定让这个庆祝活动保持简约和甜蜜~但为了这让事情变得更加独特,我和孩子们创造了这个独一无二的西瓜蛋糕给他!健康又美味!”虽然郑嘉颖8月15日生日,不过庆祝生日嘅靓相就拖到依家先甫出嚟,而相中咁精致嘅西瓜蛋糕,陈凯琳更透露道原来喺佢同仔仔一齐分工合作整出嚟,认真犀利。
虽然唔少网友都畀陈凯琳夫妻二人闪到盲,不过都有唔少网友重点系孻仔Carlos身上,变得肥肥白白劲可爱之外,五官轮廓都精致到成个公仔咁,特别其中一张孻仔喊到脸都红埋嘅相,更系令人忍唔住会心一笑,真系得意到晕!
|
|