|
前港姐冠军陈茵媺(Aimee)同视帝陈豪婚后生咗3个仔女,佢早前趁暑假一拖三凑仔女返老家加拿大,一转眼又开学,佢都急急带埋3仔女返港,意想不到港姐冠军确系劲,连搭飞机都有特别待遇。佢喺社交网晒出多张驾驶舱相,原来佢一家四口走入飞机驾驶舱打卡,三个仔女坐喺驾驶位置,又同四位机长合照,Aimee自己都一尝机长瘾,佢以英文留言:“一家团聚 #chanchanfamily 感谢出色的 #Captain 和 Crew 邀请我们进入驾驶舱,经过16小时的飞行,对我和仔女来说都是一种享受。”转个头又获老公陈豪接机,接近两个月冇见仔女,佢一见面即揽到实,慈父样出晒嚟。
|
|