阿Sa石恒聪狠斩6年情 疑有神秘C小姐成阻碍

etin

艺人蔡卓妍（阿Sa）与富贵男友石恒聪（Anthony）拍拖六年几，一早已见过双方家长，并发展半同居关系，惟昨日（13日）有消息指二人已分手，更称导火线系因男方未定性，更与一位圈中C小姐过从甚密，加上二人于婚姻上得唔到共识而分手。​阿Sa亦承认分手消息，强调与第三者无关，二人系和平分手：“分开咗一段时间 唔系第三者 亦都冇嗌交 我哋仲系好好嘅朋友 咁分开就梗系有啲问题嘅 不过呢啲我哋自己知就得喇 唔需要同人哋交代谢谢大家关心。”

有指Anthony经常夜蒲，亦不避忌与女性朋友私下约会，但阿Sa就视对方为结婚对象，桃花旺都一一拒绝，除工作以外，其馀时间都陪男朋友。不过有指Anthony仲未修心养性，成日趁阿Sa出trip就唔见人，并疑同圈中一位C小姐玩得特别埋。
消息称阿Sa自觉难搵新对象，本来唔想改变现况，并选择哑忍，不过最近太多身边朋友话佢知Anthony同C小姐玩得Close，既然知道感情冇得开花结果，阿Sa都忍痛分手。分手后，佢最近三个月都放长假及“报复式”旅行，先系5月底陪嫲嫲、爸爸及两名表姐游泰国，再同妈咪去瑞士，返港后就同好姊妹去Staycation，及后再同好友去韩国玩。身边朋友知阿Sa回复单身后，感情受到极大创伤，朋友知佢打击好大，所以不断陪佢旅行散心。