|
近日曼联U16来港作赛,名宿维迪亦随团来港。身为“波牛”陈家乐获邀到场观赛大感兴奋,甫见维廸即化身粉丝,向对方要求合照及签名,事后更于社交平台分享相当照片,认真威水!家乐受访表示:“平时真系好少机会见到呢啲球星,今次竟然可以同佢交流,估唔到佢极度高,而且好大只,我只系到佢下巴咋,虽然退咗疫但依然Keep得好好。”家乐笑指小时候也曾幻想可以加入曼联踢波:“不过始终未有机会接受过正统嘅专业训练。(有囝囝就叫佢完成自己嘅梦想?)都要睇吓佢有冇天分,不过一定会同佢玩吓,睇吓有冇呢方面嘅才能,其实踢1、2年就知道啱唔啱佢喇。”他直言期待“父子兵上阵”画面:“我有同学每逢我哋练波,就会带埋两个仔一齐嚟,成件事好开心,梗系想自己都有咁嘅一日啦。”
|
|