庄思明惨被糟质 硬食水炮：好似畀人打咗一拳咁！

etin

艺人庄思明最近加入处境剧《爱．回家之开心速递》饰演女明星Win，不时同“大小姐”林淑敏、“熊尚善”滕丽名有对手戏，大有发挥，日前一集讲到佢得罪咗滕丽名，拍戏时惨被糟质，淋水、兜巴星、食泥样样齐，庄思明全部亲身上阵，认真专业。​昨日佢喺社交网上载花絮片段，原来拍摄淋水一幕时，为效果逼真，特意安排现场最大只嘅演员向佢泼水，硬食“水炮”，最后仲大力到令假发险飞脱，但庄思明都顶硬上，成功一Take过，佢留言表示：“拍之前我仲同佢讲唔使担心我，出尽力泼啦。到正式拍摄时大家都好紧张因为只可以一take过，点知佢一泼我连假发都差啲飞走埋，个刻嘅感觉好似畀人打咗一拳咁大力！其实我真系好想笑但又要忍住，到依家谂番起个刻都会笑出声。”