|
今届港姐嘅候选佳丽虽然是非多箩箩,不过随着愈嚟愈多佳丽被Foul,剩低入围嘅港姐亦纷纷各出奇谋,努力抢Fo。而继早前爆出5号梁倩淇嘅学霸兼华姐背景,成功吸睛后,最近10号陈霈錤亦成功靠学历上位,原嚟香港大学文科硕士毕业嘅佢,本身任职小学教师,如今为咗全力竞选港姐嘅佢,仲不惜辞职瞓身参选,唔怪得气质咁高贵大方之馀,仲系视帝谭俊彦嘅心水人选。
身高166cm、腰围23吋嘅陈霈錤,唔止喺高材生咁简单,样靓身材正嘅佢仲有为杂志做模特儿嘅经验,兴趣方面亦相当广泛,不时喺社交网晒出弹钢琴、烹饪、游泳及瑜伽等靓相,同时仲成日去欧游玩,生活相当写意又充实。而相较佢参选前嘅文青打扮,参选后嘅优雅打扮都颇大差别,睇嚟可塑性高之馀,气质亦相当符合历届港姐要求,难怪连视帝谭俊彦都话:“佢个气质令我觉得好舒服。”
|
|