|
型男黄宗泽(Bosco)唱得又演得,演艺事业发展得如日中天外,就连双线发展搞饮食都无难度,喺网络更喺好评不断,引嚟唔少食客粉丝热情捧场。而日前Bosco更喺社交网晒出段“型男主厨”嘅影片,分享自己亲自下厨整咸鱼蒸肉饼嘅过程,有板有眼嘅手势同埋专注嘅表情,真系冧晕一班粉丝呀!影片中Bosco虽然居家Look上镜,头发简单夹起All Back、着上朴素嘅深蓝Tee同印有“厨神”二字嘅围裙,全程都好专注喺碟菜上面,有板有眼嘅专业手势引嚟唔少网友激赞专业:“认真下厨的男人让人看得安心。”、“认真的男人特别有魅力。”另外,向来喺圈中笋盘嘅Bosco,更引嚟粉丝留言道:“好唔好食就唔知,除非你畀我食。”不过到底系想试食咸鱼蒸肉饼定系Bosco就真系见仁见智喇。
|
|