|
艺人连诗雅(Shiga)、郑融和夏雨等,将于中秋节举行音乐会,昨日(8日)举行记者会预告详情。夏雨表示这个活动其实数年前已开始筹备:“嗰时想系“溏心家族”嘅,但受疫情影响搞唔到,依家卷土重来,可惜好难齐人,好似关菊英已讲明唔做。”问到对方是否决定引退,夏雨答:“佢冇讲实,不过话如果有演出佢会好大压力,我哋成日有约食饭,佢精神状态好好,同埋成日出埠旅行。”夏雨同样表示自己刻下会拣工作:“总之啱先做。”
Shiga则透露刚从加拿大登台返港,此行顺道逗留了两日探亲:“我阿姨、舅父同啲仔女都系嗰边,有啲表妹细个时好Friend,真系10年冇见,食饭引唔住落泪。本来我都想老公(陈家乐)陪我去,但时间上夹唔到,机票亦好贵,嗰边啲亲戚到依家都未见过佢。(亲戚催你生仔?)佢哋话有仔趁嫩生,我就话我都过咗嫩好耐,同埋嚟紧我哋分别都有工作,又想过吓二人世界先。”
同场郑融则自爆由去年9月开始等新歌歌词:“入行咁耐我都未试过咁,写咗几版都觉得未系最好,辛苦晒填词人帮手,依家都未知几时先可以入录音室。”她又指反而疫情期间推出的《多喝水》及《13楼的大笨象》获歌迷喜爱,当时为事业打了强心针。
|
|