梁朝伟“抠地脚趾”再爆红 灰甲增厚竟然抢Fo

etin

近年长期旅居日本避世嘅影帝梁朝伟，随着佢亲自公开有社交恐惧之后，每次有咩新消息都令人忍唔住关心佢“社恐式抠地”嘅脚趾，以及招牌嘅尴尬又不礼貌微笑，而继日前梁朝伟同台湾艺人吴建豪妈咪嘅合照掀起热话后，日前佢同小粉丝合照嘅灿烂笑容照片，亦再度掀起网友热话，虽然今次网友同样聚焦喺脚趾，不过就唔系“社恐式抠地”，竟然系灰甲（甲癣）问题！
近期酷热天气警告频频生效，唔少市民都选择去泳池、海边消暑降温，而前日（6日）就有粉丝喺社交网开心透露巧遇梁朝伟，并晒出梁朝伟同小朋友嘅亲善合照，只见着上长袖短裤嘅梁朝伟打扮低调，望落似乎玩完水无耐就被粉丝巧遇邀请影相，虽然梁朝伟可能系同小粉丝合照嘅关系，所以无咁尴尬怕丑，不过就有眼利网友发现梁朝伟好似有灰甲问题，纷纷留言问道：“他是不是有灰甲？”、“灰指甲增厚。”、“为甚么他有灰指甲都这么可爱？”、“以为就是泥巴脏！”
事实上，影帝梁朝伟私下兴趣除咗搭飞机散心、英国即日来回喂鸽之外，原嚟仲锺意玩水上运动，唔止成日开小型帆船出海、滑水，2018年仲参加咗维港举行嘅帆船赛并勇夺亚军，认真动静皆宜。