古佩玲赞周嘉洛有魅力 未肯定是否自己杯茶

etin

艺人古佩玲（Kelly）、林夏薇、周嘉洛、曾比特，昨日（5日）到电视城为综艺节目《思家大战》录影。Kelly透露于新剧《宠爱Pet Pet》中会对周嘉洛一见锺情：“之后会介入嘉洛同林夏薇嘅感情。（现实有冇试过女追男？）冇试过，通常都系双方互相锺意大家。”她笑言因自己性格内敛，因此今次演这角色需要很多能量：“我系做任性嘅大小姐，唔理嘉洛锺唔锺意我，我都表达我嘅爱意，好崇拜佢，佢好幽默，觉得佢好Charm。（现实呢？）都Charm！（系咪你杯茶？有咩择偶条件？）未知住，要睇Feel，冇话一定要有咩条件，最紧要睇夹唔夹同对我好唔好。”她表示自己的初恋就是一见锺情，不过到最后也是分手收场：“第一任男友系选港姐嗰阵，嗰阵时Long distance咗好耐。（依家有冇人追？）我都想有人追，追我，我会尽力跑，你追我跑先有Feel。（唔怕追到冇气？）我送氧气。（唔惊畀人话吊高嚟卖？）唔会，锺意我嘅人就一定会锺意我。”
同场，艺人汪明荃（阿姐）表示与家英哥也很久未有上游戏节目，她説：“主持就多，好少玩，依家都懵查查唔知点玩。”家英哥即补充：“听讲话唔使做定功课，做咗反而会谂得太复杂。（有冇信心赢？）信心大把，不过对面都好厉害。”问到以往是否经常于游戏节目赢得奖金奖品？阿姐表示曾赢取电动车，家英哥即搞笑表示：“你赢关我咩事？（㗎车你用紧喎？）好耐以前我喺《奖门人》玩拉枱布都赢过架车，以前我玩游戏攞好多奖品。”家英哥表示稍后会跟明星足球队到内地踢足球，阿姐则表示不会陪家英哥北上：“我要拍床褥广告，不经不觉拍咗30几年。”家英哥闻言即笑指要食鱼翅庆祝，被阿姐反驳他现在不鼓吹食鱼翅，家英哥即打趣说：“有个老婆咁识赚钱真系好，我哋呢啲食软饭嘅。（食得开心？）开心！我啲牙又唔系咁好，啲饮软软哋几好吖。”
谈到家英哥早前于电台节目大爆阿姐穿粉红色内裤，问他回家是否需要跪玻璃？他説：“冇，佢听唔到我讲嘢，哈哈！（全部粉红色？）总之冇红色，我就有，平时都会著。（送套红色畀阿姐？）呢啲唔使你话我听，如果听你讲先去做就受你影响。”身旁阿姐听得一脸尴尬，叫他不要再説内裤话题，想当搞笑。家英哥表示平日会送手袋为多，问他知道阿姐喜欢款式？他说：“总之贵就买㗎啦，哈哈！”他笑指二人经济独立，不会给钱对方用，笑言虽被指食软饭，但送礼物全是自掏腰包。