《灵戏逼人》效应！龚嘉欣密密接Job狂吸金

etin

艺人龚嘉欣及冯素波昨日（31日）出席医美品牌剪彩活动，二人甫见面即表现热情，嘉欣大嗌“奶奶”，而冯素波则追问嘉欣“几时结婚”。谈到与冯素波的渊源，嘉欣笑说：“佢喺剧集演过我奶奶，好亲切。（点解佢追问你几时结婚？）我等阵都要问吓佢，哈哈！”嘉欣直言这个剪彩活动酬劳相当满意，更有机会日后担任代言人，问到是否《灵戏逼人》效应，她直认不讳：“剧集差唔多到尾声就同我接触。（多咗好多job？）都系，有活动有商演，甚至有人斟我同张振朗出埠宣传，好开心大家咁锺意我哋呢对CP。”
嘉欣即将要投入新剧《企业强人》拍摄，拍摄期长达4个月，而剧组已表明可让她请假搵外快。谈到与《灵》剧台前幕后庆功，她笑说：“可以呀，我哋喺群组留言雀跃，大家喺度讨论续集可以点玩，但监制未表态。（张振朗笑你拍煞科戏喊到呕。）我手头上仲有条片，系叫咗cut机大家依然控制唔到情绪，我都未见过张振朗喊到气喘，我实公开畀大家睇。”
另外，身为代言人的冯素波以一身粉红西装打扮，扮Anson Lo拍摄广告，引起网民热话，她笑说：“我咪攞晒咁多年嘅嘢出嚟用啰，现场大家都笑得好开心，好多谢令我增加咗一大班年青人嘅粉丝。”她更由契仔帮她组成团队，接工作及管理社交平台，目前工作量不错。谈到何时返无綫拍剧，她坦言：“我仲有约，不过今年到依家客串咗一套剧集咋，佢哋都冇搵我，都想返去嘅。（永不言休？）有嘢做有收入又冇咁闷，胡枫同罗兰都仲拍紧，几时轮到我哋呢啲讲退休？”