|
艺人孙慧雪上周宣布第二胎B仔出世,大晒BB出世相,日前(29日)佢更加公开产房生B片,老公罗天彦(Edwin)全程陪伴在侧,孙慧雪更由自己打麻醉至BB出世嚎哭嘅过程上载网上,虽然片中有多个血淋淋画面,孙慧雪亦贴心以黑白画面处理,但就睇到唔少网友眼湿湿,大叹妈妈真伟大。
​孙慧雪于片中坦言虽然系第二胎,但依然好紧张同惊,甚至思考唔到,老公就一直紧握佢手仔安慰。佢又表示想要靓靓咁同BB影第一张相,老公亦贴心为佢整理头发,一直到BB血淋淋咁见人,在场人士见到B仔即高呼:“哗!好大呀!”随即孙慧雪将“中气十足”嘅细仔抱到胸前,轻轻摸咗BB面颊两下,BB就收声唔喊,非常神奇。
佢续留言表示细佬仔出世有9磅重,同哥哥出世差唔多size,因为两胎都比较大,除咗伤口开得比较大之外,腹直肌亦松晒,生完个肚好似仍然有咗五个月咁,亦会Keep住喂母乳畀BB等。
|
|