|
艺人刘颖镟(Tiffany)于无綫剧集《灵戏逼人》前晚(12日)一集中施展“夜蒲索女”本色,不但向阴湿渣男李日朗放电,最终更被对方摸裙底。平时多演乖乖女的剧中身穿贴身上衣加迷你裙上阵拍摄,无论肢体动作或眉头眼额均尽显妩媚,加上连串“港女式”撒娇表情,非常有姣感。
Tiffany坦言为了这场戏做足功课,并为角色定位伤尽脑筋,她谓:“我有睇唔同嘅电影去攞灵感学吓各种唔同嘅放电方法,睇吓点样做最舒服又可符合剧情;最主要系唔想太夸张,因为始终我个角色比较简单,唔系坏女孩。”
​谈到与李日朗有不少亲密互动,包括挨到贴讲对白及摸大髀等,Tiffany透露拍摄时零尴尬 ,皆因“大脑很忙”,亦指李日朗是很好的拍档:“佢好Nice,好肯同我沟通,佢所有嘢都会问过我O唔OK先,大家建立咗信任就令我好放心;加上嗰晚成个脑都喺度谂点样做先至有说服力,所以都冇特别话尴唔尬。我成日觉得如果双方尴尬,成件事会拍得更加好。”
李日朗现时除了娱乐圈工作外,还有专注打理美容店,帮客人调整脸骨。他笑言自此剧播出后,有客人“投诉”被吓亲,“佢哋话听住我把声讲啲咁衰嘅嘢唔系好惯 ,话真系有吓亲,我听完都开心嘅,证明演得真实嘛!”阿Don又指摸Tiffany大髀比之前与蔚雨芯的床戏更有压力,他说:“因为要喺佢裙入面攞番个电话出嚟,都系要靠估先攞得番出嚟。”
|
|