|
选美出身嘅长腿港姐蔡嘉欣,早前被指推Job萌去意,疑想离巢回复自由身。昨日(10日)佢更加宣布被求婚成功,同拍拖7年富贵圈外男友Derek准备拉埋天窗!佢仲同男友一早影定pre-wedding,之后先被求婚,合衬程度100分,搞到网友都留言疯狂恭喜佢。
蔡嘉欣兴奋公布喜讯:“Happy to announce, YES I Do! 我们在一起的第7年,决定结婚了我的未婚夫,就是那个我想共度馀生的人!谢谢你总是守护我,给我一切的爱和力量,带我看见这个世界更多的美好。遇见你、和你在一起、和你共同建立属于我们的未来,是我此生最大的福气。过去一年我一直安静地、幸福地准备我们的婚礼。来到倒数阶段,是时候跟大家分享这份喜悦。Kayan要嫁人了,不迟亦不早! 一切都刚刚好!热切期待着我们的未来!”
蔡嘉欣同时亦晒出求婚过程,原来佢哋早于去年9月已经喺摩洛哥求婚成功,见佢之后再搵齐摄影师、化妆师等人,再次打造一个完美求婚过程,感动得嚟又有仪式感,准备充足,规模媲美影婚照。
准新娘子透露他们婚期定于今年12月在港举行,届时会做足接新娘斟茶签字一齐仪式,因就计划好结婚的她说:“我哋去巴黎影完婚纱相,先喺摩洛哥酒店求婚,冇惊喜冇鲜花,佢冲完凉仲着住条底裤下跪求婚,好简单但温馨,我哋嘅爱情完全冇惊喜,我老公都唔系惊喜嘅人。”她分享两人在巴黎拍摄婚纱相及求婚片段,又畅谈他们的恋爱故事,她在片段笑说:“我同未婚夫,第一次咁叫佢好紧张,结婚唔冲动嘅决定,我哋经历咗咁多年,大家一齐有共识,系深思熟虑。”
她直认有颗恨嫁的心,双方初初拍拖时,她已追问男友几时结婚,她说:“佢当时29岁,佢话可能35岁,当时我心谂死啦,仲要同你爱情长跑6年,到时都唔知仲系咪你,但世事真系咁巧合,今年佢同我结婚,如佢当初所说一样系35岁,我好幸运,田为佢系可以做老公材料,佢好有责任心有担大,又年长比我成熟,我哋拍拖咁耐冇乜嗌交,好早我就觉得佢可靠,好希望佢系结婚对象。”
|
|