|
歌手郑俊弘(Fred)两年前与星梦娱乐约满,回复自由身后,他参与多部剧集演出,反而在乐坛暂停步伐,去年他又宣布回归旧唱片公司,终于推出全新歌曲《左摇右摆》,今次他以全新形象染了一头金发拍摄MV,他笑:“嗰日染完头发返屋企,老婆(何雁诗)差啲唔认得我,但讃我靓仔过之前,好似另一个老公返咗嚟咁,话我成个韩星咁款。”
今次的新歌由王双骏负责编曲及监制,吴林峰作曲,Oscar填词,Fred说:“呢次拍MV嘅感受,我觉得各方面都配合得好好,包括可以搵到好好音乐制作班底、MV制作班底、化妆发型服装都配合得很好,我系好开心、感恩,因为呢首歌系我入行以来其中一首最喜欢嘅歌曲,亦系我锺意嘅曲风,好代表到我自己,好想唱畀大家听我心底里面嘅说话。”今次MV拍摄都颇为辛苦,要淋雨、又浸水、仲要丧跑,但拍摄期间,何雁诗带埋仔仔惊喜探班,辛苦拍摄了一整日的他见到老婆同囝囝,开心到攰都唔记得了。
|
|