|
嚟紧将于7月连开33场骚嘅天后容祖儿(Joey),为咗演出完美除勤练歌外,一副好体能应付更系不可缺少,而状态大勇操到身材劲Fit嘅Joey,寻日(30日)就喺社交网晒出一系列嘅性感露背相,大骚诱人苗条好身材。只见着上雪白长露出大片玉背嘅Joey,喺香港多处知名景点位打卡,摆出多个不同嘅撩人甫士,有充满天后气势咁企喺海旁影嘅靓相,亦有多张企喺电车路轨上笑容灿烂嘅性感相,引嚟唔少网友留言大赞:“好高贵优雅!”、“好靓!”、“索呀!”、“成熟美!”、“现代完美体态。”另外,更有网友搞笑称感觉到Joey有少少尴尬,只手唔知举唔举好:“Feel到佢有少少尴尬,因为着到咁喺马路影相好难唔吸引入目光!”
|
|