梁朝伟61岁牛一嘟嘴 超型Hippie旧照曝光

etin

影帝梁朝伟昨日（27日）61岁生日，一向贪玩嘅佢今次都系同家人一齐过，见佢着上画晒可爱画风图案嘅恤衫，明显童心未泯，仲拎起个birthday cake嘟起个嘴仔影生日相，睇见都想讲句cute！难得影帝“返老还童”，DJ云妮（Vani）亦趁机晒出多张同伟仔嘅合照，大嗌佢做自己1993年入行后第一位“贵人”，佢指自己当时就结识咗当年出版国语专辑嘅伟仔，佢自己今年踏入广播界30年，伟仔更系佢特别想鸣谢嘅人。不过网友重点落晒去伟仔最强颜值身上，见佢Chok爆望镜头，仲潇洒着低胸白衫，加埋颈上多条长链，Hippie味极浓。而好友上山诗钠亦有同伟仔庆生，仲揽实伟仔锡面珠，真系好老友呀！