|
视帝陈展鹏与黄智雯昨日(26日)现身商场为无綫剧集《隐门》宣传,智雯在剧中逐步黑化,她掌掴吴岱融16巴的画面亦会播出,她自言十分期待:“应该系破咗女演员打男演员最多巴嘅纪录,佢叫我打到冇力先停,我真系打到手震,现场都几震撼,打完佢块面肿咗要敷冰,但佢好似好Enjoy,因为佢觉得系时候要代观众去发泄吓。(你入行以来最奸嘅角色?)都唔系好奸,系为势所逼,冇办法之下咁做。”至于展鹏则会跟吴岱融在雨中作生死对决:“好耐冇试过拍啲咁男人嘅场口,当日真系好辛苦,又冻又落雨,淋咗6个钟,拍完病咗,呢场戏系男人同男人嘅生死对决,唔系你死就我亡,系个好好发泄机会。”讲到剧集口碑口,会否想拍续集,还是怕怕?智雯坦言:“拍喜剧得唔得?”展鹏指智雯拍摄时为投入角色,整个状态很辛苦,并且不想跟人沟通,智雯谓当时一度担心自己走不出来。
​有传智雯有意约满离巢,无綫高层乐易玲亲自出招冧她,除欣赏智雯的舞台剧演出外,又在网上发文大赞她,她对此表示:“多谢乐小姐,我之前几次舞台剧演出,佢都有嚟捧场,唔止佢,仲有好多朋友同前辈。(佢冧你?)佢个个都冧,佢都冧展鹏。”展鹏笑言可惜自己冇机会演舞台剧,问智雯会否因乐小姐的行动而令她回心转意?她说:“今次套舞台剧压力好大,用尽我所有能量,等我休息吓先,到时会谂吓自己未来嘅方向。”
|
|