|
前港姐陈凯琳(Grace)和旅游达人梁芷珮一齐出席尖沙咀举行的环保活动,6月23日32岁生日的Grace透露有连串庆生活动,先和老公郑嘉颖过二人世界:“本来带埋3个仔,但小朋友夜晚会攰,所以撇低佢哋同老公出去食饭,老公冇送礼物,因为养3个小朋友使费好大,又要读书又要补习,唔想老公嘥钱,试过老公送包包畀我,我都叫佢退钱。(手袋好贵?)唔知呀,但老公叫我keep住先。”而囝囝也没有特别送礼物,觉得囝囝乖、生性、对妈妈态度好,已是最佳礼物。
除和老公食浪漫晚餐外,另一庆生活动是开船P,Grace带埋老公及2个仔上朋友的游艇,自言很久没有出海游水。问到可有大晒泳装,她甜笑说:“都有,着咗我最锺意嘅粉红色泳衣,系健康性感嘅三点式,个款同选港姐时差唔多,老公都有过目,佢wild咗一声,谂住今晚(25号)甫上网。”而梁芷珮曾到南极拍摄旅游节目,稍后将到北极探险一个月拍摄新一辑,她说:“都系带返番去南极嘅装备,南极就有好似小朋友咁高嘅企鹅,但北极就睇鲸鱼同北极熊为主。”
活动完后,Grace在社交网“找数”甫泳衣照,身材纤瘦的她穿上粉红三点式泳衣,依然出现性感的爆乳效果,难怪着背心、短裤打扮保守的老公郑嘉颖要拖到实,又在船舱内切蛋糕时送上“肉嘴”,同开船P的还有好友龚嘉欣,不过她只穿上吊带背心裙,未有在炎炎夏日中派福利骚身材,惜肉如金好孤寒。
|
|