|
2018年度港姐亚军邓卓殷(Amber),同男友郭子豪拍拖近4年非常恩爱,仲经常喺社交网放闪,分享二人嘅生活点滴。日前Amber就喺社交网上载同男友去新加坡嘅短片,Amber向男友表示要拍酒店房“开箱片”,男友听到即刻目无表情兼表示:“Again?”,为求效果精美,Amber游走房间每个角落不停拍,而郭子豪就为免阻住晒,惟有瑟缩喺窗帘后面嘅窗台,或者已经惯咗拍剧一拍十几个钟,为免浪费时间,佢先后喺窗台煲剧、睇报纸、瞓晏觉、挤暗疮,就连衫都烫埋,最后Amber由天光拍到天黑,子豪就匿足一日,真系惨惨猪。当然呢啲都系剧本安排啫,但为咗女友就算去旅行都开OT交足戏,相信Amber心目中嘅最佳男主角都非佢莫属啦!而网友都睇得非常过瘾,留言大赞他很有戏。
|
|