容祖儿为开骚准备丧练歌 司机一句冧到晕

etin

天后容祖儿将于7月一口气开33场骚，为咗做好充足准备嘅佢更系日练夜练，就连搭的士嘅时间都唔放过，就系为咗将最精彩嘅演出呈现畀大家。日前（20日）容祖儿喺社交网晒出一段练歌短片，只见为咗开骚前做足准备嘅祖儿，坐喺后座认真练歌，不过随着《心淡》唱到副歌位，就连前面揸紧车嘅司机都忍唔住跟埋一份唱，车内气氛更瞬间变小型粉丝见面会。而容祖儿身边嘅助理更忍唔住笑道：“说明《心淡》真的很难忍住不跟着一起唱！”之后助理问到司机最锺意边首歌时，仲要咁巧合就正系《心淡》，一句：“所有版本的《心淡》都喜欢。”凼到天后即刻心花怒放，笑到劲甜咁多谢司机支持。