陈山聪游日搞家庭聚会 陪囝囝见识世界

etin

今年初荣升视帝的陈山聪，得奖后火速投入新剧《夺命提示》拍摄，近日又客串另一部剧集《新闻女王》，忙得不可开交。近日两剧齐齐煞科，山聪即向太太交人，举家出发日本叹世界！此行除了庆祝父亲节，他亦为下月就踏入3岁的儿子Jaco预祝生日，由于今次是囝囝首次正式出游，故太太事前特别精心规划行程。
山聪过往去日本例必到潮牌店，今次主要景点却是水族馆及郊区，不过见到Jaco的笑脸，他已大感满足：“Chur咗半年，趁依家有时间，好想有时间可以陪Jaco，带佢周围见识吓。呢个系需要，畀佢睇呢个世界系点，因为疫情困得佢太耐。（去咗好多景点？）都系，有啲地方我都未去过，有去水族馆睇唔同嘢，亦有带佢去江之岛同郊区，畀佢呼吸吓新鲜空气，加上佢系超级电单车迷，日本有好多好特别嘅车，佢见到会不停大叫‘motorcycle’，我睇到佢系快乐嘅。”
​他透露此行除了与老友唐诗咏碰面，凑巧哥哥及阿嫂亦身在当地，故即兴来个饭敍：“以前都系同哥哥一齐嚟东京，对上一次系5年前，今次我嘅身份已经系人夫同多咗个仔，感觉好唔同。”他指日内将返港，预计8月底再开工，现时会做全职爸爸陪囝囝放暑假，之后再努力工作搵钱。