陈凯琳花式庆祝父亲节 郑嘉颖骑呢摆盘连囝囝都“O嘴”

etin

前港姐冠军陈凯琳（Grace）同老公郑嘉颖（Kevin）向来恩爱，每逢大时大节都有唔少创意庆祝，而昨日（18日）父亲节，陈凯琳一家亦都有特别计划庆祝，仲拍片喺社交网分享，罕有嘅“老婆视角”引嚟唔少网友羡慕。​虽然陈凯琳同郑嘉颖嘅3个囝囝仲细，未识帮爸爸郑嘉颖庆祝父亲节，不过为咗可以畀囝囝一齐享受到节日嘅气氛，郑嘉颖就化身型男厨师亲自下厨煮意粉畀屋企人食，望住郑嘉颖一气呵成咁一边煮饭一边同囝囝互动，认真温馨又暖心。不过正当大家以为郑嘉颖会细心摆盘之际，竟然画风一转将所有意粉同酱汁倒晒落枱，望住认真摆餐具嘅郑嘉颖，就连2个囝囝都忍唔住呆一呆，好彩等2个囝囝反应过嚟之后，都即刻拎起叉开心享受美食，而陈凯琳则表示希望为小朋友创造更多开心回忆，将来大个仔可以同样为爸爸制造惊喜，认真别出心裁。