杨明庄思明拍拖睇戏 最快要下年先结婚

etin

艺人庄思明与男友杨明昨日（18日）出席戏院开幕，两人难得不用开工，可以拍拖睇戏。思明的父亲今年2月离世，昨日适逢父亲节，问到会否分外感触？她说：“有少少，早几日系爸爸冥寿，已经开始有啲感觉，好彩呢几日忙开工，唔会谂太多，但放工返屋企会辛苦啲。”提到她与两名姐姐为纪念亡父而在左手手腕纹身，她说：“爸爸走咗冇耐就有呢个想法，我哋问医生攞咗爸爸嘅心电图，加埋爸爸个名，交畀纹身师去设计图案，虽然我哋三个人嘅图案有少少唔同，但意义系一样。”
​至于杨明表示看完戏，会与女友齐齐返家食饭，因为今次除了是父亲节外，亦是杨妈妈的农历生日，问思明准备了甚么礼物给未来奶奶？思明坦言：“冇，因为佢（杨明）都系今日先醒起系佢妈咪生日，当然会准备蛋糕，礼物就等佢新历生日先送啦！”杨明补充谓思明经常买保健产品给两老，问到杨父杨母是否锡明思多过锡他？他说：“向来都系，佢哋见到思明会好开心。每次我返屋企食饭，如果思明唔得闲一齐，阿妈就会叫我唔好返去。（想唔想快啲结婚？）想，为咗想食多啲妈咪嘅饭都想快啲，不过最快都要下年。”