郑嘉颖激罕骚肌冇人理 网友一致赞囝囝：得意有型

etin

视帝郑嘉颖同老婆陈凯琳2018年结婚至今恩爱如初，即使2人相差22载仍恩爱不减，结婚4年间就育有3子，最细嘅孻仔Carlos亦啱啱满5个月大，一家5口生活幸福美满。而值得一提，年过半百嘅郑嘉颖仍保养得宜，有着一副惊世童颜外，Fit到漏嘅精壮好身材，更系令人鼻血直流，睇到眼定定。日前（14日）郑嘉颖喺社交网晒出陪家人泳池戏水嘅靓相，只见化身奶爸嘅郑嘉颖赤膊上身，下身剩系得件短裤落水，抱起囝囝嘅动作更大晒健实大胸肌同六旧腹肌，身材Fit到漏外，湿咗水后仍然浓密黝黑嘅头发，更系丝毫未见“地中海”迹象。可惜靓仔虽然诱人，不过小朋友就更吸睛，引嚟唔少网友大赞囝囝得意又有型。