周润发爆当年港姐内幕 袁咏仪同偶像合作唔敢话畀老公知

etin

影帝周润发伙拍袁咏仪（靓靓）演出新片《别叫我“赌神“》即将于月底在港上映，二人昨午（14日）偕同饰演周润发儿子的柯炜林到中环出席宣传活动。戏中演发型师的周润发大放笑弹之馀，又一展“发功”帮靓靓及几位小朋友理发，他醒目识穿靓靓出动假发，继续展“Selfie神功”与传媒合照，而柯炜林则送上“父亲节蛋挞”，提早与周润发过节。
​谈到首次与靓靓合作，周润发打趣：“佢靓足几十年，依家叫佢“袁晶晶”，泰文嘅水晶晶呀，知道同佢合作，梗系𦧲饭应啦。”靓靓即回道：“收到通知时，我喺飞机放紧行李，感觉空间停顿咗，唔知自己系咪发紧梦，唔敢话畀老公知惊系假嘅。最难系唔好望佢对眼，专心望剧本啰，总之呕凸咁兴奋 ！”柯炜林则感激周润发专诚揸车接他去跑步及“食好西”。导演指他片场内表现精力充沛，周润发搞笑说：“我系好孤单独嘅人，净系喺屋企对住个老婆好闷，所以喺片场唔收钱都想拍多场，一班人好开心，我又开咗发记士多，用晒我啲零用钱。”

事后受访记者提到靓靓未有多陪他跑步，周润发打趣：“嘥气啦，佢跑过一次嘅，但最叻系跑商场同埋网络世界shopping多啲。”跑到身旁的靓靓相当腼覥。对于获安排与周润发合作，靓靓形容：“难得嘅经验、圆梦，同埋终于追到自己粒星！”发哥即接口自爆：“佢选港姐嗰年我做评判，但我冇投票畀佢，搞到依家唔敢见佢，直至唔好彩畀佢撞到我.....不过佢咁靓女，唔选你选边个吖！”

对于戏中经营发型屋，周润发透露：“喺现场有发型师帮手嘅，近镜就佢嚟，我手腾脚震吖嘛。（有人做白老鼠畀你剪？）畀几个假发我慢慢练，但去到现场都系唔得，事前都学咗几个月。头先唔系惊剪到靓靓嘅头发，而系惊剪到自己只手，头发生得番嘛。”

他又笑指因剧本及靓靓关系，自己今次相当乐意接演，又搞笑露下次想再与靓靓开拍一部喜剧叫《两人疯癫》：“我要同你死过，睇吓你死定我死，玩我呀喇！”靓靓即点头答应，更高呼“万众期待”，她又突然一脸认真，指周润发说话是“王道”，令自己心服口服不能驳嘴，然而周润发反驳：“架机cut咗咪又系闹到我只狗咁，你唔好当我系Chilam（张智霖），佢畀你虾，我唔会畀你虾㗎！”全场忍俊不禁。