|
艺人陈炜(炜哥)、蒋家旻和游嘉欣等昨早(5日)为无綫《非常检控观》开工,场口讲述炜哥与一班阔太参加儿子公司举行的池边派对,饰演富家女的蒋家旻以亲友身份畀面出席,至于游嘉欣则为男友到现场寻找目标人物,虽然是池边派对,但三人均只穿便服出席。
炜哥解释因今次是饰演大状兼母亲,所以不用泳装上阵:“视乎剧情同角色,有需要都唔介意着泳衣。(要老公批准?)唔使佢审批,哈哈!”剧中饰演大状的她坦言最难就是背剧本,因角色有大量对白,问到会否找老公对戏?她説:“试过呀,尤其系同医学有关嘅剧情,自己都想了解清楚啲专用名词。(有冇谂过叫老公客串?)佢有讲过想做嗰啲行出嚟同家人宣布病人死亡,‘我哋已经尽咗力’嗰啲,佢好想做!”
至于蒋家晏则表示自己分析了角色后,决定穿沙滩装:“原本服装同事系搵件泳衣畀我,下身有丝巾围住,但我角色系集团嘅公关,我觉得唔需要咁性感,沙滩装得啦,最后佢哋都同意。(你好怕着泳衣?)梗系啦,你畀啲后生嘅、身材好嘅着就OK啰。”她又自嘲自己身材不适合穿三点式:“我系中央肥胖,天生冇乜腰形,无谓暴露自己唔好嘅地方,畀网民Cap图就唔好啦,以前拍《3日2夜》我同监制讲你搵我做乜都得,但点都唔着比坚尼!”问到若将来拍剧需穿泳衣怎么办?她笑言会与监制商讨,最极限是穿一件头。​饰演扒手的游嘉欣,造型上非常清凉,穿上小背心露出小蛮腰,但角色要驾驶电单车,所以经常穿上皮褛,笑言相比晒伤她更担心拍外景中暑。
|
|