|
歌手炎明熹(Gigi)与好姐妹锺柔美(Yumi)昨晚(3日)齐齐为无綫慈善活动演出,Gigi的姑丈是同场张德兰铁粉,难得机会Gigi主动提出合照要求,而Yumi则获安排首次与陈洁灵合唱及碰面,她同样趁机集邮与对方合照。谈到深受有份演出的小朋友欢迎,Yumi坦言勾起不少回忆:“佢哋令我谂番起以往自己成日表演跳舞及唱歌。”而身为“靓声王”的Gigi却自爆:“细个时我唔系成日表演,试过幼稚园扮过一次鸡,我系13岁先去学唱歌咋。细个锺意唱歌,但五音不全,可能声带发育未健全!”
Gigi又透露日前刚返母校行毕业礼,且透露:“好后悔冇计划好喺学校边个位打卡。(好多人搵你影相?)唔算好多,我份人畀人嘅感觉好冷淡,但都有啲朋友主动走埋嚟。我系一个好慢热嘅人,佢哋都肯同我交流,同埋我有个同学大家觉得佢有啲奇怪,就喺毕业礼嗰日我哋互相点头,我觉得佢都唔算好怪,谂通咗以后唔好以貌取人。”而Gigi日前再度登上央视舞台,孖辫配画家帽Look上阵,与小朋友合唱《一同歌唱》,被小朋友包围争住揽兼拖手仔,大受小朋友欢迎。
另外,同场刘颖镟(Tiffany)透露负责玩游戏环节。最近主演剧集刚煞科,她表示心情轻松了不少,月底将会参加旅游节目拍摄:“好开心第一次去马来西亚,我深受父母影响好锺意食榴梿,所以今次好想去食新鲜嘅,如果拍摄冇安排,我都想自己上榴梿山。(会着泳衣?)呢样又未知喎。”谈到今次可以休息多久,Tiffany表示尚未知道:“我都喺度睇紧,如果唔使咁快再拍剧嘅话,我好想返美国探吓父母,同妈咪都有1年冇见,真系好挂住佢哋。”她又坦言有意趁这段时间去学唱歌:“因为我怕剧嘅时候,大家都觉得我唔系好识得运声,大声啲讲嘢已经容易声沙,希望去学唱歌改善吓,同埋迟啲可以接吓商演嘛。”
|
|