|
艺人陈凯琳(Grace)、炎明熹(Gigi)昨日(29日)出席食店开幕,吸引大批粉丝到场支持。二人于厨师指导下各自烹调一道菜色,之后Gigi更在导师指导下试做瑜伽动作,获粉丝拍掌叫好。
暑假将至,Gigi表示会与同学仔都台湾旅游:“将今次7、8日嘅行程写晒喺本簿,希望整靓啲本簿,若果今次成功,会将本簿同大家分享做攻略。”问到是否因收入丰厚所以劲玩一场?她表示不会:“都系同2个同学去,系第一次正式同佢哋旅行而唔系做嘢。(自己Plan行程好兴奋?)本身考试嗰阵大家倾过,但大家发现考试期间心情唔好咁激动同兴奋,所以都系考完先倾。(顺便自己拍旅游节目?)都有谂过会拍短片同大家分享。”
问到她现时于TVB多了主持音乐节目,对曝光率是否更有帮助?她説:“第一次做主持,希望大家会锺意,我系会睇粉丝们嘅信,因为我觉得信令我印象好深刻,我出道到依家都有Keep住粉丝们嘅信,以前会用月饼盒储,但好快就装满,依家攞多几个袋同盒装住,因为系大家嘅心意,得闲嘅时候会攞嚟睇。”问到Grace有什么做主持贴士予Gigi?她就大赞Gigi性格爽朗:“佢用自己最自然嘅一面就可以,头先见到佢嘅Fans好Support,之前都睇过佢直播,觉得佢表达能力好好,所以绝对冇问题。”Gigi闻言即心表感激:“Grace好好,头先主动同我沟通,如果唔系我会好尴尬,因为我比较慢热,好多时好快会完终结咗个话题。”
​Grace表示大家可合作一起拍节目,如烹饪节目之类,问到她厨艺如何?她表示婚前喜欢整甜品,自生了小朋友后,老公郑嘉颖问她会否尝试入厨学煮餸:“有慢慢学,试过有次煮畀佢食,佢食咗一啖就‘Um’咗一声,我问佢咩意思?佢话觉得有进步空间啰,都算好体谅我嘅,哈哈!(佢嗰晚系咪要瞓梳化?)冇嘅,都结咗婚啦,最多慢慢学。”问到她煮了什么菜式?她笑指将家中雪柜有的东西放在一起煮,心想创新一番:“其实啲嘢系唔夹嘅,佢食完问我有冇喺餐厅见过呢味餸?你依家知道点解出面冇呢味餸啦。”
|
|