|
蔡洁在新剧中为男友甘愿下海成为夜总会的“当家第一头牌”,网民看得肉紧,不忿其恋爱脑得过分。为投入角色,蔡洁请教做过夜场的朋友,感觉夜场与娱乐圈有点相类似,自爆初入行时有人出价邀做“女友”,笑言未倾到具体细节已一口拒绝。
蔡洁在《一舞倾城》饰演的Monica是“当家第一头牌”,80至90年代,浓妆配以大波浪发型,遭网民大弹唔靓,她有看过所有评论包括负评,试过亲自回应网民,同意造型麻麻,网民Like爆。她直言每个女仔试造型时都一定不惯,尤其自己并非零死角,不受浓妆:“我唔系乜嘢造型都Carry到,原本造型系长发过腰,大波浪头显得我头大同面形唔靓,但因为要保留呢个标志性潮流,有啲相,我都嗌:‘我的天呀!’不过一年后再睇,睇惯咗都接受。”不同角色希望带来新形象,知道有人认不出她,自言乐于如此:“透过造型同演绎唔同,唔系蔡洁,可能对演员系好事,我个样系一张白纸,淡妆同浓妆好唔同,希望每个角色喺白纸上画唔同图画。”
​剧情讲述她为会计师男友何浩文筹钱打官司而下海,近日更推进到发现何浩文偷食地产妹,与男友摊牌时更遭对方掌掴,剧情相当虐心,亦有网民质疑她演的角色恋爱脑得太紧要,引起热论,蔡洁亦笑言自己少女时都是恋爱脑,但现已改变:“依家大个女,如果另一半有乜事,自己负责番,各有前程,来生再见吧!哈哈!”
蔡洁为了拍该剧,曾请教过做过夜场的朋友,发现夜场的门槛,外表并非唯一,觉得同娱乐圈好相似:“唔系靓就得要好醒目,夜场嘅‘金鱼’,要有技巧服侍客人;娱乐圈既要演好角色,又要面对不同挑战同评论,遇到复杂情况必需能屈能伸,唔好畀人迷惑到。(有冇人提出过潜规则?)入行冇几耐有,试过2、3次,我明确表示我冇能力,态度好明确,因为冇倾落去,唔知具体Offer。”她称对方都是优秀、事业有成人士,笑言想找“合作伙伴”好容易,毋须在她身上纠缠:“都系做番自己,佢哋要求做女朋友,有日唔出Offer点算?靠自己安乐啲,我底线唔可以对唔住自己,屋企人更加唔可以。”
|
|