|
艺人黄嘉乐与赵璧渝于剧集《法言人》内组成的CP深受观众注意。昨日(24日)祝捷会上,二人先后感性多谢台前幕后帮忙,尤其赵璧渝更讲到多次哽咽,令人动容。事后受访时,嘉乐坦言:“真系好多谢家豪哥(监制刘家豪)团队一直帮我铺路,每套剧都一路咁加添我嘅戏份。工作人员又鼓励我抛开本身嘅性格,将角色演绎得开心啲,拍拍吓我都变得好开心,当然最开心系因为我太太,佢陪我睇剧嘅时候,就“投诉”我扮佢啲小动作。”
赵璧渝即接口:“佢太太好好,竟然帮我哋Cap图,仲问我点解我哋冇咀戏,真系好大方。”嘉乐笑到着解释:“佢好奇怪,又要嬲又想睇咁!”谈到当众哽咽,璧渝自言开工时压力大:“要多谢嘉乐呢位咁好嘅拍档,同埋真系估唔到网民咁锺意我哋。(有咩新工作?)拍紧刘嘉豪嘅《逆天奇案2》,都开咗一段时间,最难忘系依家夏天,但要着冬天衫。(妳系咪好似嘉乐咁,戏份愈嚟愈重?)真系要多谢嘉豪哥,希望愈嚟愈重戏啦。”
|
|