月租至少两万人仔︱张文慈开箱深圳千呎新居

etin

艺人张文慈（Pinky）移居内地两年，2021年4月佢就移居上海，转型做直播带货，去年1月佢再宣布同公司解约，早前搬到广州定居，依家又再转战场去到深圳，更为大家介绍位于深圳宝安区宝安中心附近嘅新居！新居为两房一厅格局，一开门就见到吊椅同咖啡枱，客厅空间感十足，仲有大型梳化、茶几同电视柜等，新屋仲有一个开房式空间，做书房定健身室都任佢拣，内附设跑步机，方佢做运动之馀，仲可以做埋直播间，真系一举两得。虽然只有两个房间，不过就已经目测近千呎，非常阔落，主人房入面仲有个弧形大窗台，就连客房都到大大张双人床，厕所亦有埋浴缸等。虽然新居地方又大又舒适，但仍有网民批评“装修好low”、“家具都是些便宜货”等，不过就有网民称原来佢身处嘅呢个地段，周围寓所月租一啲都唔平，好似佢个单位咁，就已经要至少两万人民币。