郑嘉颖陈凯琳拍拖撑枱脚 叹云吞面扫平价包劲贴地

etin

艺人郑嘉颖同老婆陈凯琳（Grace）呢对夫妻档，一个贵为视帝，另一个除咗系港姐冠军之馀，更系KOL界人气王，吸金力当然唔惹少，不过昨日郑嘉颖于社交网分享生活点滴，就意外揭露两公婆悭家一面。见佢哋撇甩3个囝囝，两公婆拍拖撑枱脚，但并唔系食咩高级西餐，反而去平民餐厅食云吞面，之后仲去埋面包铺扫几蚊1个嘅平价面包，郑嘉颖仲留言表示：“简简单单，就是福！”认真贴地。另外，陈凯琳亦晒出新片，见佢着住吊带背心丝质睡衣，大晒长腿兼骚锁骨，实行要色诱老公，唔少网民都话引死人，连好友龚嘉欣都表示：“你咁样日日喺屋企出现，真系搞唔掂。”