吴伟豪升呢担正 有望父子兵上阵

etin

吴伟豪早前在台庆勇夺“男飞跃”，将升呢男主角拍新剧，挑战卧底角色。其父吴大强是歌唱节目《中年好声音》的冠军大热，人气甚高，网民一直期待他们父子档拍剧，监制亦不排除邀他客串助阵！至于马德钟剧中饰演“镜反射触觉症”检控官，难度甚高。

​无綫小生吴伟豪（Ricco）近年备受公司重用，之前更在台庆夺得“飞跃进步男艺员”奖，有如打了一支强心针。监制林志华即将开拍奇案式题材新剧《非常检控观》，今次吴伟豪将“升呢”做男一，与另一男主角马德钟齐齐挑战高难度角色！

向来多演乖乖仔角色的Ricco今次一偿心愿演卧底及执法人员角色，受访时开心表示：“我嘅心情系好兴奋又期待！我唔系太在意戏份重定轻，但呢个机会好难得！我细细个就受警匪片影响，好似电影《新警察故事》、剧集《学警狙击》，自己入行一直好想试呢类角色，今次终于畀我遇到喇！”他之前拍摄剧集《回归》受到监制林志华赏识，指今次对方提供这个难得的机会，他会好好珍惜：“因为佢对我咁有信心，我先冇上次咁紧张。我知道只要跟住佢哋方向，出嚟效果应该唔错。我睇咗几集剧本，非常得意，多咗马德钟个角色，令到成套剧更有新鲜感。”问到是否要操大只上阵？他说：“今次可能要成熟啲，又唔使超大只，自己一直有操，心态上亦已经准备好。”Ricco首次担正，其父吴大强亦凭《中年好声音》人气急升，更成为冠军大热，不少网民之前都提议两父子合作拍剧，问到监制林志华会否达成网民的心愿？他直言：“都可以搵佢玩吓嘅，不过吴大强个期都唔系咁易度㗎！有机会可以搵佢客串吓！”

至于剧中另一主角马德钟饰演充满正义感的检察官，立意为受害者找出真相，让他们释怀。这个角色有罕见的“镜反射触觉症”，完全感受到别人的感觉，甚至是痛楚，由于全球只有1、2%人有此症状，马德钟坦言做资料搜集及准备工夫时相当困难，演绎上绝对是一大挑战：“呢个角色个病好特别，喺网上资料唔多，都要同监制、导演沟通得好清楚，睇吓佢哋想我点演绎、轻重有几多。都有一定难度，佢除咗感受到人哋嘅感觉、触感，连痛感都可以同步感受，要睇剧入面嘅Case点表达，观众睇落一定有新鲜感。”女主角陈炜则饰演律师，一心向马德钟报仇，角色相当“狠”，她受访时表示：“今次做打官司好叻嘅律师，律师我唔系第一次做，但要真正睇咗剧本先谂点演。我同马德钟、吴伟豪合作过，有晒默契，依家净系想尽快开工。”

而陈晓华亦有份参演此剧，今次监制更找来其好拍档何广沛客串渣男角色，双方再次过招。陈晓华之前在《美丽战场》遇上渣男丁子朗，今次再遭渣男伤害，她说：“我仲未知道实际内容会有啲咩，但都好期待今次角色。虽然已经系第4次同广沛合作，但就系第一次畀佢欺负，希望出嚟感觉会有惊喜。”何广沛则坦言今次是新尝试：“因为我从来未试过做Case人物，多谢林志华监制继《曙光》后再畀机会我同陈晓华合作，希望观众唔会厌啦！咁第4次合作，当然要畀啲突破，其实今次角色难度几大，暖男做得多，渣男真系第一次，仲要系衰到贴地，我听古仔嗰阵都听到呆咗，冇谂过编剧写呢个角色可以去到咁尽，希望Fans睇完唔好惊咗我啦！”